ఆంధ్రభారతి - తాళ్లపాక అన్నమాచార్య కీర్తనలు - నడుమ రెంటికిని నా మేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 259-6
సంపుటము: 3-342

తాళ్లపాక అన్నమాచార్య

రాగము: శ్రీరాగం

నడుమ రెంటికిని నా మేను వడఁబడె యెందలివాఁడనొ నేను	॥పల్లవి॥
కంటిమి జగమిది కన్నుల యెదుటను అంటి యిదియు నిజమనరాదు వింటిమి స్వర్గము వేరే కలదని కంటగించి అది గాదనరాదు	॥నడు॥
కట్టుకొంటి మిదె ఘనసంసారము గట్టిగ నిఁకఁ దొలఁగఁగరాదు పట్టుకొంటి మిదె పాపపుణ్యములు తెట్టదెరువుననె దించాలేము	॥నడు॥
నగితి నొకసెలవి నానాఁటి బదుకు మొగి నొకచే నిను మొక్కితిని అగపడె శ్రీవేంకటాధిప నీకృప నిగుడి గురుచే నినుఁ గనఁగలిగె	॥నడు॥