ఆంధ్రభారతి - తాళ్లపాక అన్నమాచార్య కీర్తనలు - అన్నియు నాయందే కంటి నన్నిటివాఁడా నేనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 266-3
సంపుటము: 3-379

తాళ్లపాక అన్నమాచార్య

రాగము: మాళవి

అన్నియు నాయందే కంటి నన్నిటివాఁడా నేనే మున్నె నా భావముతో ముడిచివేసినది	॥పల్లవి॥
చెలఁగి సంసారమే చింతించి సంసారినైతి ములిగి ముక్తిదలఁచి ముక్తుఁడనైతి పలుమతాలు దలఁచి పాషండబుద్ధినైతి చెలఁగి శ్రీపతిఁ దలఁచి వైష్ణవుఁడనైతి	॥అన్ని॥
పొసఁగఁ బుణ్యము సేసి పుణ్యాత్ముఁడనైతి పసలఁ బాపముచేసి పాపకర్ముఁడనైతి వెస బ్రహ్మచారినైతి వేరె యాచారమున ముసిపి మరొకాచారమున సన్యాసినైతి	॥అన్ని॥
వొగి నొడ్డెభాషలాఁడి వొడ్డెవాఁడనైతిని తెగి తెలుఁగాడ నేర్చి తెలుఁగువాడనైతి అగడై శ్రీవేంకటేశ అన్నియు విడిచి నేను తగు నీదాఁసుడనై దాసరి నేనైతి	॥అన్ని॥