ఆంధ్రభారతి - తాళ్లపాక అన్నమాచార్య కీర్తనలు - పెద్ద తెరువుండఁగాను పెడగంతలు దీసుక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 267-1
సంపుటము: 3-383

తాళ్లపాక అన్నమాచార్య

రాగము: లలిత

పెద్ద తెరువుండఁగాను పెడగంతలు దీసుక పొద్దువోక యడవులఁ బుంగుడయ్యేరు	॥పల్లవి॥
తొల్లిటి పెద్దలెంచిరి దొడ్డవాఁడు హరియంటా అల్లదె భారత రామాయణ భాగవతములు ఇల్లిదె నేఁటి పెద్దలు యెవ్వరో దైవములంటా వెల్లవిరిగా నింకా వెదకేరు	॥పెద్ద॥
దేవలోకమువారు దేవుఁడు శ్రీపతియని భావించి మొరవెట్టి బ్రదికిరి యీవల నిప్పటివారు ఇందరికి మొరవెట్టి కావిరి నెవ్వరివారుఁ గాక వున్నారు	॥పెద్ద॥
నానాభూములవారు నమ్మి శ్రీవేంకటపతిఁ గానవచ్చి యేఁటనేఁట ఘనులయ్యేరు యీనిజ మిక్కడివారు యిన్నియుఁ దెలిశుండియు మానక చలాలఁబోయి మాయలఁ బొందేరు	॥పెద్ద॥