ఆంధ్రభారతి - తాళ్లపాక అన్నమాచార్య కీర్తనలు - నీకు నీ సహజమిది నాకు నా సహజమిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 267-5
సంపుటము: 3-387

తాళ్లపాక అన్నమాచార్య

రాగము: ముఖారి

నీకు నీ సహజమిది నాకు నా సహజమిది యేకడా నీవే నిరుహేతుక బంధుఁడవు	॥పల్లవి॥
నే నిన్నుఁ దలఁచినా నెఱి నిన్ను మఱచినా పూని నా యంతరాత్మవై వుండకపోవు పూని నిన్నుఁ బూజించినాఁ బూజించకుండినాను కానీలే యీశ్వరుఁడవుఁ గాక మానవు	॥నీకు॥
యిట్టె నే నడిగినా నేమీ నడుగకుండినా జట్టిగా నీవు రక్షించక మానవు తొట్టి నిన్ను దగ్గరినా దూరమున నుండినాను పుట్టించి నీ గర్భములోఁ బొదలించకుండవు	॥నీకు॥
భావించి నీకు మొక్కినాఁ బరాకై మానినా- నేవి చూచినా నీవై యిఁకఁ బాయవు శ్రీవేంకటేశుఁడ నీవే చింతాయకుఁడవు కావించేటి నా వుద్యోగములేమి బాఁతి	॥నీకు॥