ఆంధ్రభారతి - తాళ్లపాక అన్నమాచార్య కీర్తనలు - చంకగుదియ యిదే శరణార్తి నే నిదే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 268-1
సంపుటము: 3-389

తాళ్లపాక అన్నమాచార్య

రాగము: లలిత

చంకగుదియ యిదే శరణార్తి నే నిదే తెంకి నా భావము దేవుఁడే యెరుఁగు	॥పల్లవి॥
కోరెడి చిత్తము కోరక మానదు వైరాగ్యము నే వదలను యీరీతి దినములు యిట్లనే కడచీ తేరిన పను లిఁక దేవుఁడే యెరుఁగు	॥చంక॥
తగు సంసారము తనువునఁ బెనఁగీ వెగటై మోక్షము వెదకేను పగటున రెంటాఁ బరగిన జీవుఁడు తెగువలుఁ దగులమి దేవుఁడే యెరుఁగు	॥చంక॥
పంచేంద్రియములు పారీ నిక్కడ పెంచఁ బెద్దనై పెరిగేను అంచెల శ్రీవేంకటాధిపుఁ గొలిచితి దించని యీమాయ దేవుఁడే యెరుఁగు	॥చంక॥