ఆంధ్రభారతి - తాళ్లపాక అన్నమాచార్య కీర్తనలు - ఎవ్వరి దూరఁగఁ జోటు లేదు మరి యేమనఁ గలదిదివో తగవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 269-2
సంపుటము: 3-396

తాళ్లపాక అన్నమాచార్య

రాగము: మలహరి

ఎవ్వరి దూరఁగఁ జోటు లేదు మరి యేమనఁ గలదిదివో తగవు యివ్వల నందరి బడిబడిఁ దిరిగే యీకర్మముదే నేరమి	॥పల్లవి॥
నీ దాసులకును నేరమి లేదు నీవే గతియని వుండఁగను ఆదినుండి నీకును నేరమి లేదఖిలానకుఁ గర్తవుగాన పాదుపడక నడుమనుఁ దిరిగాడెడి ప్రపంచముదే నేరమి యేదెస నొకచో నిజమేరుపడక యిటువలెఁ దిరిగాడెడిఁ గాన	॥ఎవ్వ॥
పాపము లేదిదె యజ్ఞానులకును భావమెరంగని పశువులు గాన మోపై సుజ్ఞానులకునుఁ బాపము మోవదు నినుఁ గొలిచిరి గాన చాపలముగ నమ్మించి చెరుచు పలుచదువులదే యీ పాతకము పైపై నొకయర్థ మేరుపరచక భ్రమయఁగ వాదము వెట్టెడిఁ గాన	॥ఎవ్వ॥
యీలోకులకును అధర్మము లే దిన్నియు నీచేఁతలే కాన మూలనున్నముక్తులకు నధర్మము మొదల లేదు నీ కృప గనక కాలము గడపుచు నీవు రచించిన కపటపు మాయదే అధర్మము అలరి శ్రీవేంకటేశ్వర య(యె?)క్కడనడ్డము తానేవచ్చీఁ గాన	॥ఎవ్వ॥