ఆంధ్రభారతి - తాళ్లపాక అన్నమాచార్య కీర్తనలు - అది యెవ్వతె తాను అలమేల్మంగను నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1908-1
సంపుటము: 29-43

తాళ్లపాక అన్నమాచార్య

రాగము: ముఖారి

అది యెవ్వతె తాను అలమేల్మంగను నేను పొదిగి దాఁచకువే నీ పూనిక మెచ్చేఁ గాని	॥పల్లవి॥
పొలఁతి నీ కెవ్వతె బుద్దులు చెప్పినది నలుపున నాపతితో నవ్వుమంటాను తెలుపఁగదవే దాని దీమస మెంతో చలములో నీతో మరి సాదించేఁగాని	॥అది॥
నీ కెవ్వతె యీ చేఁతలు నేరిపినది జోకతో నా రమణుని సాలయుమని నాకుఁ జూపనే దాని విన్నాణ మెంతో మైకొని నీతో మరి మాఁటలాడేఁగాని	॥అది॥
వోడక యెవ్వతె నీ కీ వుపదేశ మిచ్చినది యీడ నాశ్రీవేంకటేశు నెనయుమని వాడలో నెంచవే దాని వాసి యంతో యీతఁడు కూడె నన్ను నీతో మరి గుట్టు చెప్పేఁగాని	॥అది॥