ఆంధ్రభారతి - తాళ్లపాక అన్నమాచార్య కీర్తనలు - ఎఱఁగ మిన్నాళ్ళు మీ యిద్దరి సరితెలును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1908-2
సంపుటము: 29-44

తాళ్లపాక అన్నమాచార్య

రాగము: వరాళి

ఎఱఁగ మిన్నాళ్ళు మీ యిద్దరి సరితెలును గుఱుతాయ నేఁడు మాకు గుట్టెల్లాఁ దెలిసెను	॥పల్లవి॥
మెచ్చి మెచ్చి నీతోను మేలమాడీ సారె సారె మచ్చిక నీకీపె మేనమామ కూఁతురా రచ్చలోన నిన్నుఁగడు రాకొట్టి పిలువవచ్చీ పచ్చిగా నీకెప్పుడూను పాయరాని చుట్టమా	॥ఎఱఁ॥
చేరి చేరి బుద్దులెల్లాఁ జెప్పవచ్చీ నీకును కోరి పెండ్లాడినయట్టి కొలము నాల కూరిమితో నీవద్దఁ గూచుండి నవ్వులు నవ్వీ నేరుపుతోఁ దగులైన నేస్తపు జవరాలా	॥ఎఱఁ॥
పొంచి పొంచి మోవి తేనె పొత్తు గలసీ నీతో వంచనతోఁదా నీకు వాడిక కాంతా యెంచఁగ శ్రీవేంకటేశ యే నలమేలుమంగను కొంచక నన్నేలితివి కొమ్మ వేడుకకత్తే	॥ఎఱఁ॥