ఆంధ్రభారతి - తాళ్లపాక అన్నమాచార్య కీర్తనలు - కంటిరటె చెలులాల కన్నుల పండుగ లివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1909-3
సంపుటము: 29-51

తాళ్లపాక అన్నమాచార్య

రాగము: నాదరామక్రియ

కంటిరటె చెలులాల కన్నుల పండుగ లివి వెంట వెంట వచ్చెనమ్మ వెస నీకె సుద్దులు	॥పల్లవి॥
సన్నపుఁజెమట లుబ్బి చన్నులపై జాలువారె కన్నులఁ దేటలుదేరె కాంతకును చిన్ని పెదవులవెంట చిరునవ్వు లిదె వూరె యెన్నఁ గతలాయనమ్మ ఇప్పు డీకె సుద్దులు	॥కంటి॥
కడువేడుకలతోడ కళలు మోమున నిక్కె తడఁబాటు కోరికలు తలకెక్కెను పడఁతి కాతనిపేరు పైపై పెదవులఁ జిక్కె అడియాలా లాయనమ్మ అట్టె యీకె సుద్దులు	॥కంటి॥
చెక్కిటికిఁ జేయి వచ్చె సిగ్గులు లోలో హెచ్చె మిక్కుటపుఁగొప్పు వీఁపుమీఁదికి వచ్చె యిక్కడ శ్రీవేంకటేశుఁ డిదె యలమేలుమంగ దక్కఁగూడె నౌనమ్మ తగు నీకె సుద్దులు	॥కంటి॥