ఆంధ్రభారతి - తాళ్లపాక అన్నమాచార్య కీర్తనలు - ఇంత జాణవు గాఁగానే యింతులు వలచిరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1909-4
సంపుటము: 29-52

తాళ్లపాక అన్నమాచార్య

రాగము: వరాళి

ఇంత జాణవు గాఁగానే యింతులు వలచిరి సంతోసించి రీడనున్న సతులెల్లా నిన్నును	॥పల్లవి॥
ఆయములెత్తి యాడి యతివ నన్ను దూరితే చాయగా పాటుసేసుకొని సారె నవ్వేవు నీయందు నేరాలు మోపి నీకుఁ దారుకాణించితే యీయకోలు సేసుకొని ఇచ్చగించేవు	॥ఇంత॥
వొల్లనే యానలు వెట్టవొద్దని పెనఁగితేను చెల్లుబడిసేసుకొని చేయివట్టేవు పల్లదాన వెంగేలకు పలుమారు మొక్కితేను వెల్లవిరిసేసుకొని వేడుకపడేవు	॥ఇంత॥
అందరిలో నిమ్మపంట నట్టె నిన్ను వేసితేను చందములుసేసుకొని సమ్మతించేవు కందువ శ్రీవేంకటేశ కలికి నిన్నొరసితే చెందెకూడి యదే గురిసేసుకొనేవు	॥ఇంత॥