ఆంధ్రభారతి - తాళ్లపాక అన్నమాచార్య కీర్తనలు - ఆఁటదాని కింతగద్దా అగడు సేసెఁగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1909-5
సంపుటము: 29-53

తాళ్లపాక అన్నమాచార్య

రాగము: ముఖారి

ఆఁటదాని కింతగద్దా అగడు సేసెఁగాక జూటరి దీని విద్యలు చూడరమ్మా సతులు	॥పల్లవి॥
చిగురుఁ బెదవిమీఁద చిన్నిముద్దుమాఁట లాడీ మగనితో నించుకంతా మరఁగలేక తెగనివలపు చల్లి తీగె నవ్వులు నవ్వీ సొగిసే దీవి వుదుటు చూడఁ గొత్తలాయను	॥ఆఁట॥
తమ్మికన్నులు దెరచి తళుఁకుఁ జూపులఁ జూచీ కమ్మటఁ బతి యెదుట గర్వమునను సొమ్మలెల్లాఁ జూపుకొంటా జోలి మొక్కులు మొక్కీ యెమ్మెలదీనివేసాల కేమందు నేను	॥ఆఁట॥
కావరపు గుబ్బలు సోఁకఁగ సేవలెల్లాఁజేసీ శ్రీవేంకటేశుఁ డెదుట సిగ్గువడక వావితో నన్నితఁ డేలె వట్టిసన్నలు తాఁజేసీ భావించి దీని గజరు పచ్చిఁ దోచె నిపుడు	॥ఆఁట॥