ఆంధ్రభారతి - తాళ్లపాక అన్నమాచార్య కీర్తనలు - ఎంతసేసినా నీకు యెరవులవాఁ డితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1909-6
సంపుటము: 29-54

తాళ్లపాక అన్నమాచార్య

రాగము: మాళవిగౌళ

ఎంతసేసినా నీకు యెరవులవాఁ డితఁడు సంతతము తొల్లి నాకు చనవిచ్చినాఁడు	॥పల్లవి॥
తెరమరఁగున నుండి తేనెగార మాఁటలాడి మరిగించితి వవునే మగని నీవు సరసము లాడుకొంటా సన్నలు సేసుకొంటా తరితీపుల నితనిఁదగిలించుకొంటివే	॥ఎంత॥
వొంటినుండి యేకతాన వొడఁబరచి పరచి వెంటఁదెచ్చుకొంటివౌనే విభుని నీవు నంటులు చూపుకొంటా నవ్వులు నవ్వుకొంటా ఇంటిలో గూడితివౌనే యీతనితోను	॥ఎంత॥
గుఱుతులు మేన నించి గుబ్బుల నూఁది యూఁది కఱఁగించితివౌనే కాంతుని నీవు యెఱిఁగి శ్రీవేంకటేశుఁ డీతఁడే నన్ను నేలె మఱి నీవితని దిక్కు మళ్ళిచూడనేఁటికే	॥ఎంత॥