శృంగార సంకీర్తన
రేకు: 1910-6
సంపుటము: 29-60
రేకు: 1910-6
సంపుటము: 29-60
తాళ్లపాక అన్నమాచార్య
రాగము: కాంబోది
| ఎగ్గు సిగ్గు లెఱఁగరు యెదుట నెవ్వరున్నాను బెగ్గిలక తమకమే పెంతురుగాని | ॥పల్లవి॥ |
| అలతురు సొలతురు అంగనలిఇనవారు వలచిన పతితోను వద్దననేలే పిలుతురు సన్నసేసి పెనఁగులాడుదురు చెలులాల యెరుకలు సేసుకొన నేలే | ॥ఎగ్గు॥ |
| కన్నుల జంకింతురు కాఁగిలించుకొందురు మన్ననలగలవారిని మానుపరాదే చన్నులు మోపుదురు సారె మర్మా లంటింతురు కన్నెలాల మీరు వారిఁ గనుఁగొన నేలే | ॥ఎగ్గు॥ |
| మోములుచూచుకొందురు ముచ్చటతోనవ్వుదురు కాముకుల రవ్వసేయఁ గారణమేమే యీమేర శ్రీవేంకటేశుఁ డిందిరయుఁ గూడినారు భామలాల మీరింత పచారించ నేలే | ॥ఎగ్గు॥ |