ఆంధ్రభారతి - తాళ్లపాక అన్నమాచార్య కీర్తనలు - ఇంతటి దైవము లేఁడు యెందుఁ జెప్పి చూపఁగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 271-6
సంపుటము: 3-411

తాళ్లపాక అన్నమాచార్య

రాగము: రామక్రియ

ఇంతటి దైవము లేఁడు యెందుఁ జెప్పి చూపఁగ వంతులకుఁ గొలిచేటివారి భాగ్య మిఁకను	॥పల్లవి॥
గక్కన మన్మథునిఁ గన్నతండ్రి గనక యెక్కువ చక్కఁదనాల కితఁడే దొడ్డ నిక్కపు సూర్యచంద్రాగ్నినేత్రుఁడు గనక దిక్కులఁ గాంతుల నీ దేవుఁడే దొడ్డ	॥ఇంత॥
అంచెల లక్ష్మికి మగఁడై నాఁడు గనక యెంచ రాని సంపదల కితఁడే దొడ్డ పంచినచోటఁ జక్రము పంపు చేసీఁ గనక మించిన ప్రతాపాన మిక్కిలిని దొడ్డ	॥ఇంత॥
దైవికపుఁ బురుషోత్తముఁ డితఁడు గనక దేవతల కెల్లా నీ దేవుఁడే దొడ్డ వావాత శ్రీవేంకటాద్రి వరములిచ్చీఁ గనక యేవల దాతలలోన నితఁడే దొడ్డ	॥ఇంత॥