ఆంధ్రభారతి - తాళ్లపాక అన్నమాచార్య కీర్తనలు - ఏలితివి నన్నుఁ దొల్లె యింతగా మన్నించితివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1921-2
సంపుటము: 29-62

తాళ్లపాక అన్నమాచార్య

రాగము: కుంతలవరాళి

ఏలితివి నన్నుఁ దొల్లె యింతగా మన్నించితివి ఆలించి నా విన్నపము లవధరించవయ్యా	॥పల్లవి॥
కోపగించరాదు నీతో గుంపెన చూపఁగరాదు వైపుగా నిచ్చక మాడవలెఁగాని రాఁపులఁ బెట్టఁగరాదు రట్టుసేసి చూపరాదు చేపట్టి నీవే కృపసేయవయ్యా	॥ఏలి॥
కన్నుల జంకించరాదు కడుఁ దమకించరాదు వన్నెగా బత్తి నెరపవలెఁగాని సన్నలఁ గొసరరాదు సారెకుఁ బెనఁగరాదు అన్నిటా నీవే నన్ను నాదరించవయ్యా	॥ఏలి॥
పాడి పంతా లెంచరాదు పైపై సిగ్గువడరాదు వాడికగాఁ గాఁగిలించవలెఁగాని కూడితివి నన్ను నిట్టె గురిగా శ్రీవేంకటేశ వేడుకతో వరమిచ్చి వెలయించవయ్యా	॥ఏలి॥