ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడు నేరుచుకొంటి విటువంటి వేడుకలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1921-6
సంపుటము: 29-66

తాళ్లపాక అన్నమాచార్య

రాగము: బౌళి

ఎన్నఁడు నేరుచుకొంటి విటువంటి వేడుకలు అన్నిటా నీ సుద్దులు యెంతని మెచ్చేమమ్మా	॥పల్లవి॥
పచ్చిదేరె జంకెనలపై పూఁతలు తచ్చన మరఁగుల పాదపు వాఁతలు కుచ్చియెత్తె గోరి చెనకుల చేఁతలు హెచ్చి నీవిభునివద్ద నేమి చూపేవమ్మా	॥ఎన్నఁ॥
పొరుగు పోరచి సొలపుల తక్కులు గరువముతోడి కనుఁగవ మొక్కులు సరసపు మాఁటల బచ్చన తెక్కులు అరుదుగా నీ కిన్నియు నమరె నోయమ్మా	॥ఎన్నఁ॥
తనిసినన నవ్వులతో తరితీపులు చినుకుఁ జెమట చెక్కుచేతి దాపులు ఘనశ్రీవేంకటేశు రేఁచిన రేఁపులు యనసిన యతనితో నివి దగునమ్మా	॥ఎన్నఁ॥