ఆంధ్రభారతి - తాళ్లపాక అన్నమాచార్య కీర్తనలు - నీవే మంచితనాలు నెరప నేరుతువమ్మా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1923-2
సంపుటము: 29-74

తాళ్లపాక అన్నమాచార్య

రాగము: భైరవి

నీవే మంచితనాలు నెరప నేరుతువమ్మా సేవసేసి రమణుని చిత్తము వచ్చినట్టు	॥పల్లవి॥
యిచ్చకము లాడితేనే యితవులైయుండు; నౌనె హెచ్చి వెంగేలాడితేను యియ్యకోలౌనా అచ్చముగ మొక్కితేను అట్టె దయవుట్టు; నౌనె విచ్చనవిడిఁ దిట్టతే వేడుకలౌనా	॥నీవే॥
మొగమెత్తి చూచితేను మోహములు రేఁగు; నౌనె తగిలి తలవంచితే తమి వుట్టునా నగవులు నవ్వితేను ననిచివుండు; నౌనె బిగిసి వూరకుండితే ప్రియము గలుగునా	॥నీవే॥
పాయక పక్కనుండితే భావము గరఁను; నౌనె చాయల సన్నలవల్లఁ జవి వుట్టునా చేయార శ్రీవేంకటేశుఁ జెందినది మే; లౌనె కాయకపు సరసాలు కందువలంటీనా	॥నీవే॥