ఆంధ్రభారతి - తాళ్లపాక అన్నమాచార్య కీర్తనలు - ఏల సిగ్గులు వడేవు ఇందరి ముందరా నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1923-6
సంపుటము: 29-78

తాళ్లపాక అన్నమాచార్య

రాగము: రామక్రియ

ఏల సిగ్గులు వడేవు ఇందరి ముందరా నీవు తాలిమితో నీ వలపు తవ్వుకొనఁ గదవే	॥పల్లవి॥
విచ్చన విడాయ నీకు విభుఁ డింటికి రాఁగాను నచ్చుకొట్టనేల యిఁక నవ్వఁగదవే యిచ్చె నీకుఁ జన వాతఁ డిఁకనేల కొంకేవు పచ్చిదేర నీ యెమ్మెలు పచారించఁగదవే	॥ఏల॥
పంతమెల్లాఁ జెల్లె పతి పక్కఁ బెట్టుకొనఁగాను చెంతనున్న చెలులతోఁ జెప్పఁగదవే మంతనమాడీ నతడు మరి నీవాడినట్టౌను చింతదీరఁ గాఁపురాలు సేయఁగదవే	॥ఏల॥
యీడేరితివి శ్రీవేంకటేశుఁడు ని న్నేలఁగాను వేడుకతో వరములు వేఁడఁగదవే వాడిక నితఁడు నావద్దికి వచ్చి మన్నించె జోడయి నీ వొక్కమనసున నుండఁగదవే	॥ఏల॥