ఆంధ్రభారతి - తాళ్లపాక అన్నమాచార్య కీర్తనలు - ఎటువంటి కూరిములు యెటువంటి ముచ్చటలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1925-1
సంపుటము: 29-85

తాళ్లపాక అన్నమాచార్య

రాగము: శ్రీరాగం

ఎటువంటి కూరిములు యెటువంటి ముచ్చటలు ఇటువంటివెల్లా మీకు నిద్దరికే తగును	॥పల్లవి॥
నీవు పరాకైవుండఁగా నిమ్మపంటఁ గొని వేసి మోవి చూపె నాకె నీపై మోహ మెట్టిదో వోవరిలోఁ బవ్వళించి వున్న నిన్ను లేపి నీకు వేవేగను విడె మిచ్చె వేడుక యదెట్టిదో	॥ఎటు॥
కొలువులో నీవుండఁగా కొనగోర నిన్ను నూఁది పిలిచె రతికేలికిఁ బ్రియ మెట్టిదో నలిరేఁగి మరపుతో నాటకసాల చూడఁగా పలుకుఁ గప్పుర మిచ్చె బత్తి యెట్టిదో	॥ఎటు॥
కూడి చొక్కివుండఁగాను గుబ్బచన్నుల ని న్నొత్తి యీడుగా నవ్వులు నవ్వె ఇంపు లెట్టివో జోడై శ్రీవేంకటేశ సుదతి నిన్ను మెప్పించె యీడనే యిన్ని చందాల ఇత వెట్టిదో	॥ఎటు॥