ఆంధ్రభారతి - తాళ్లపాక అన్నమాచార్య కీర్తనలు - ఇందుకుఁగా నెగ్గు దప్పు లెంచకువయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1925-2
సంపుటము: 29-86

తాళ్లపాక అన్నమాచార్య

రాగము: ఆహిరి

ఇందుకుఁగా నెగ్గు దప్పు లెంచకువయ్యా సందడించీ నా మోహము జంటలై యీరీతిని	॥పల్లవి॥
విన్నవించే నా మాటలు వినయ మెంత చూపినా కన్నులచూపులై నిన్నుఁ గాఁడి పారీని పన్నుక నా నుదురు నీ పాదాలకు మొక్కినాను నిన్ను నా చక్కఁదనము నివ్వెరగందించీని	॥ఇందు॥
సారె నా చేతులు నీతో సరసము లాడినాను వారక నాగోళ్ళు నీపై వాఁడిమీరీని నేరుపుతో నా సెలవి నీతో నెంత నవ్వినాను కూరిమి నా పెదవులు కొసరింపిచీని	॥ఇందు॥
పుడమి నా కాఁగిలి నీ పొందు లెంత సేసినాను వడిఁ జన్నులు కొండలవలె నొత్తీని యెడయక శ్రీవేంకటేశ నీ దేవులనైతి వుడివోనిరతులు నిన్నుబ్బురేఁచీని	॥ఇందు॥