ఆంధ్రభారతి - తాళ్లపాక అన్నమాచార్య కీర్తనలు - సుదతి చందము నీవే చూడవయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1925-4
సంపుటము: 29-88

తాళ్లపాక అన్నమాచార్య

రాగము: భైరవి

సుదతి చందము నీవే చూడవయ్యా అదివో యిద్దరూ మాఁటలాడుకోరయ్యా	॥పల్లవి॥
తలపోయుఁ గొంతవడి తరుణి నీ గుణములు చెలఁగి తమకమునఁ జెమరించును పలుమారు నీమీఁది పదములు వాడుకొని అలరి యాపె సుద్దు లెంతడిగేవయ్యా	॥సుద॥
పనివూని నీ సుద్దులు పడఁతులతోఁ జెప్పును ననుపు నీ చేఁతలకు నవ్వు లోలోనె వొనరఁ బానుపుమీఁద నుండి నీ కేదురుచూచు యెనయఁగ నాపె కత లిటువంటియ్యా	॥సుద॥
నీ రతులు భావించి నెమ్మిఁ జిత్తము గరఁగు కోరికలు నీపైఁ బెట్టి గుబ్బతిలును చేరి యింతలో నీకెను శ్రీవేంకటేశ కూడితి - వీ రీతిరి నీ దేవులు యెరుఁగుకోవయ్యా	॥సుద॥