ఆంధ్రభారతి - తాళ్లపాక అన్నమాచార్య కీర్తనలు - ఇంతట మెచ్చఁగదవే ఇద్దరూ మీరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1925-5
సంపుటము: 29-89

తాళ్లపాక అన్నమాచార్య

రాగము: దేసాళం

ఇంతట మెచ్చఁగదవే ఇద్దరూ మీరు మంతనానఁ గూడితిరి మచ్చిక దైవారను	॥పల్లవి॥
తరుణి నామాట నీకు తారుకాణ వచ్చెనా సిరుల నీఇంటికి విచ్చేసె నితఁడు సరుగ నీమనసుకు సంతోసమాయనా మరిగి నిన్నిన్నిటాను మన్నించె నితఁడు	॥ఇంత॥
సాకిరి నేఁ బెట్టినట్టె సరివచ్చెనా నేఁడు మేకొని యీతఁడు నీక మేలువాఁడాయ యీకడ నీ కోరికలు యింతట నీడేరెనా చేకొని నీ చెప్పినట్టె సేసె నిదె యీతఁడు	॥ఇంత॥
నే నిచ్చిన నమ్మికలు నీకు నీడువచ్చెనా పూని శ్రీవేంకటేశఁ డిప్పుడు గూడెను తానకమై మీపొందులు తగులము లాయనా నానారీతుల నీతో ననిచినాఁ డీతఁడు	॥ఇంత॥