ఆంధ్రభారతి - తాళ్లపాక అన్నమాచార్య కీర్తనలు - ఆసతో నన్నిమాఁటలు నాడితి నిన్ను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1926-3
సంపుటము: 29-93

తాళ్లపాక అన్నమాచార్య

రాగము: ఆహిరి

ఆసతో నన్నిమాఁటలు నాడితి నిన్ను మూసిన ముత్తెమువలె మొక్కే నే నీకును	॥పల్లవి॥
బత్తితో నాడినమాఁట భావములు గరఁగించు కొత్తమాఁట వేడుకతోఁ గొసిరింపించు పొత్తులమాఁట కమ్మటిఁ బూని యడిగింపించు యిత్తల నామాఁటలు నీకెటువలె నుండెనో	॥ఆస॥
లాలనతోడిమాఁట లాచి పెనఁగింపించు నాలిమాట సెలవుల నవ్వింపించు మేలుమీఁదిమాఁటలు సమేళములు పెడరేఁచు యీలీల నామాఁటలు నీ కెటువలె నుండెనో	॥ఆస॥
ఇచ్చకమయినమాఁట ఇయ్యకోలుగాఁ జేసు మచ్చికగలుగుమాఁట మన్నింపించు అచ్చముగ నన్నేలితి వన్నిటా శ్రీవేంకటేశ యిచ్చయిన నామాఁటలు నీ కెటువలె నుండెనో	॥ఆస॥