ఆంధ్రభారతి - తాళ్లపాక అన్నమాచార్య కీర్తనలు - ఎందాఁకా సింగారించే వింటిలోనను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1926-4
సంపుటము: 29-94

తాళ్లపాక అన్నమాచార్య

రాగము: నారాయణి

ఎందాఁకా సింగారించే వింటిలోనను అంది నిన్నుఁ బెండ్లాడే యాసతో నున్నాఁడు	॥పల్లవి॥
పలుకవే జవరాల పతితోడను నెలకొని నీ యెదుట నిలుచున్నాఁడు చిలుకవే నగవులు సెలవులను । నీ - కలయికలకు నిదె కాచుకున్నాఁడు	॥ఎందాఁ॥
వొసఁగవే విడె మిట్టె వుబ్బురేఁగను కొసరుచు నినుఁ గనుఁగొంటా నున్నాఁడు పొసఁగవే యాతని పొందులను వసమై నీ కాఁగిటికి వలచివున్నాడు	॥ఎందాఁ॥
వోరయనే చన్నుల నీ వుదుటు చూపి గరిమ నిన్నేలె శ్రీవేంకటేశ్వరుఁడు దొరయవే రతులను తోడఁదోడను సొరిది నీ చేఁతులకుఁ జొక్కివున్నాఁడు	॥ఎందాఁ॥