ఆంధ్రభారతి - తాళ్లపాక అన్నమాచార్య కీర్తనలు - రమ్మనవే యిఁకనేల రవ్వసేయక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1927-1
సంపుటము: 29-97

తాళ్లపాక అన్నమాచార్య

రాగము: మాళవిగౌళ

రమ్మనవే యిఁకనేల రవ్వసేయక పమ్ముకొన్న తమకము పారిపోవనిచ్చునా	॥పల్లవి॥
తనియని నా మనసు తనుఁ గోరకుండునా చెనకి నా ప్రియములు చేకొనుఁగాక మునుకొన్న చూపులు మోము చూడకుండునా యెనసి నా చేఁతలకు నియ్యకొనుఁగాక	॥రమ్మ॥
కోమలపు నా వయసు కొంగు వట్టించకుండునా దీమసానఁ గూడ సమ్మతించుఁగాక దోమటి నా వలపులు తొలఁగఁగ నిచ్చునా నా మాటలు దోయక నన్ను నేలుఁగాక	॥రమ్మ॥
కందువ నావలపులు కలయఁబెట్టకుండునా ఇందరిలో నాకుఁ జనవిచ్చుఁగాక పొందులు శ్రీవేంకటేశుఁ బొనుఁగఁగ నిచ్చునా చెందె నన్ను నిఁక నిట్టె చెలఁగించుఁగాక	॥రమ్మ॥