ఆంధ్రభారతి - తాళ్లపాక అన్నమాచార్య కీర్తనలు - నీ సుద్దు లేమిచెప్పేవు నే నెరఁగనా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1927-2
సంపుటము: 29-98

తాళ్లపాక అన్నమాచార్య

రాగము: బౌళి

నీ సుద్దు లేమిచెప్పేవు నే నెరఁగనా ఆసవెట్టి నన్ను నింత ఆదరించేవుగాక	॥పల్లవి॥
తారుకాణంచితే యిట్టె దంటవై యేమి చూచేవు కోరి యాపె విడె మందుకొనవా నీవ సారె సారె నందుకుఁగా చలమేల సాదించవు చేరి యాపెఁ గొనగోరఁ జెనకవా నీవు	॥నీసు॥
మచ్చెము నీమై యుండఁగా మరియేలజంకించేవు నచ్చుకొట్టి యాపెతోడ నవ్వవా నీవు నిచ్చెలుల నడిగించి నిజమెంత నెరపేవు పచ్చిదేర నాపె పక్కఁ బండుండవా నీవు	॥నీసు॥
తోడ దిష్టము చూపితే దొమ్మిఁ గాఁగిలించేవు జోడై యాపె మోవి చవిచూడవా నీవు యీడనే శ్రీవేంకటేశ యేలితివి నన్ను నేఁడు వాడిక నాపెకుఁ దొల్లి వలవవా నీవు	॥నీసు॥