ఆంధ్రభారతి - తాళ్లపాక అన్నమాచార్య కీర్తనలు - సొలయక మలయక సోఁకనాడక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1927-4
సంపుటము: 29-100

తాళ్లపాక అన్నమాచార్య

రాగము: దేవక్రియ

సొలయక మలయక సోఁకనాడక వలపులే చల్లి కైవశము సేసుకోవే	॥పల్లవి॥
ప్రియములు చెప్పితేను బెరసి మతి గరఁగు నయములు నెరపితే నమ్మిక వుట్టు దయవుట్టు మెలఁగితే తగులు నాదరింపులు క్రియతో నాతని రతికేలికి బిలువవే	॥సొల॥
చెప్పినట్టె సేసితేను చేఁతలెల్లా నీడేరు వొప్పుగా మాఁటాడితేను వొడఁబాటౌను చిప్పిల నవ్వు నవ్వతే చెలఁగి వేడుక వుట్టు యెప్పుడు నీ వితనికి నిచ్చకమే సేయవే	॥సొల॥
పాయక వద్ద నుండితే పాదుకొను మచ్చికలు చాయ దప్పక కూడితీ సంతోసాలౌను యీయెడ శ్రీవేంకటేశుఁ డిన్నీటా నిన్ను మన్నించె సేయఁగల సేవలెల్లాఁ జేసి మెప్పించకోవే	॥సొల॥