ఆంధ్రభారతి - తాళ్లపాక అన్నమాచార్య కీర్తనలు - మగువకు నిన్నియును మంచివై యుండఁగవలె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1927-6
సంపుటము: 29-102

తాళ్లపాక అన్నమాచార్య

రాగము: మధ్యమావతి

మగువకు నిన్నియును మంచివై యుండఁగవలె తగులై యుండఁజేయరే తరుణులాల	॥పల్లవి॥
సుదతికిఁ దుమ్మిదలు చుట్టములై యుండవలె పొదిగి తామరలు కొప్పున నించరే వదలక చందురుని వసముసేసుకోవలె పదిలానఁ గలువల పానుపు వరచరే	॥మగు॥
మందానిలుఁ డింతికి మరి చలువగావలె గందము మేను నిండాఁ గడు మెత్తరే చెంది కోవిలలతోడఁ జెలిమిసేసుకోవలె చందముగాఁ జిగురాకు చప్పరలు గట్టరే	॥మగు॥
కలికికి మదనుఁడు కాఁపుగా నుండఁగవలె చిలుకల వాసిన చీర గట్టరే యెలిమి శ్రీవేంకటేశుఁ డీఁకె నింతలోఁగూడె వెలయవలె సోబాన వేడుకతోఁ బాడరే	॥మగు॥