ఆంధ్రభారతి - తాళ్లపాక అన్నమాచార్య కీర్తనలు - మఱఁగులు వెట్టకువే మాతో నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1928-6
సంపుటము: 29-108

తాళ్లపాక అన్నమాచార్య

రాగము: ముఖారి

మఱఁగులు వెట్టకువే మాతో నీవు యెఱఁగ వచ్చిన పనికేల దాఁచేవే	॥పల్లవి॥
సెలవుల నవ్వులనే సిగ్గులు వెల్లివిరిసె పులకల వలపులు పొడచూపెను చెలప చెమటలనే చిత్తపుకరఁగు చూపె తలఁపులో భావ మిఁక దాఁచ నేఁటికే	॥మఱఁ॥
కన్నుల తేటలలోనే కానవచ్చె వేడుకలు తిన్నని నిట్టూరుపులఁ దెలిసెఁ దమి పన్నిన నివ్వెరగులఁ బచ్చిదేరేఁ గోరికలు యిన్నిటా నీభావ మిఁకనేల దాఁచేవే	॥మఱఁ॥
వెడజారుఁ దురుమున వెలసె నీ కూటములు తొడరి మోముకళల దొట్టె ననుపు అడరి శ్రీవేంకటేశుఁ డలమేల్మంగ నిన్నేలె యెడయని నీ భావము యేల దాఁచేవే	॥మఱఁ॥