ఆంధ్రభారతి - తాళ్లపాక అన్నమాచార్య కీర్తనలు - ఇట్టి చక్కఁదనాలెల్లా నిందే కానఁగవచ్చె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1929-4
సంపుటము: 29-112

తాళ్లపాక అన్నమాచార్య

రాగము: కాంబోది

ఇట్టి చక్కఁదనాలెల్లా నిందే కానఁగవచ్చె చుట్టిచు ట్టీపె వొరపు చూడరమ్మ చెలులు	॥పల్లవి॥
నగితే వెన్నెలగాసీ నలినాక్షి సెలవుల నిగిడి చూచితే మించీ నీలాలరంగు మొగమెత్తితేఁ దొలఁకీ మోవి మదనకళలు సొగిసి యీపె వొరపు చూడరమ్మ చెలులు	॥ఇట్టి॥
మాటలాడితే మెరచీ మాణికాలు నోరునిండా పాటించితే నిలువెల్లా బంగారు నిగ్గు పాటవాడితేఁ బెదవిఁ బచ్చితేనె లూరీని జూటరి యీపె వొరపు చూడరమ్మ చెలులు	॥ఇట్టి॥
పెనఁగితే నురమునఁ బెరిగీని జక్కవలు చనకితే గొనగోళ్ళఁ జెందీ వజ్రాలు యెనసె శ్రీవేంకటేశుఁ డీకెఁ గడు మన్నించి జునుఁగ కీపె వొరపు చూడరమ్మ చెలులు	॥ఇట్టి॥