ఆంధ్రభారతి - తాళ్లపాక అన్నమాచార్య కీర్తనలు - అప్పటనుండి వెరగయ్యీ మిమ్మిద్దరిఁ జూచి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1930-1
సంపుటము: 29-115

తాళ్లపాక అన్నమాచార్య

రాగము: సామంతం

అప్పటనుండి వెరగయ్యీ మిమ్మిద్దరిఁ జూచి వొప్పుగా సంతోసాల నోలలాడేమయ్యా	॥పల్లవి॥
పెక్కుసింగారాలతోడి పెండ్లికూఁతురు నీకు యెక్కడఁ గలిగె నానతియ్యవయ్యా మిక్కుటపు చేఁతల మేనమరఁదలు నేఁడు నెక్కొని సరసమాడ నీ భాగ్యమాయనయ్యా	॥అప్ప॥
రచ్చకెక్కినటువంటి రాణివాసము నీకు మెచ్చుగా నెందుండివచ్చె మేలు మేలయ్యా విచ్చనవిడియైనట్టి వేడుక నగళ్ళవారు అచ్చమై నీసేవసేయ నందమౌనయ్యా	॥అప్ప॥
కాఁపురము నేరిచిన కలికిగేస్తురాలు దాఁపురమై కాచుకుండెఁ దగవౌనయ్యా యేపున నన్నేలితివి యిట్టె శ్రీవేంకటేశ ఆపే నొకతె గలిగె నమరు నీకయ్యా	॥అప్ప॥