ఆంధ్రభారతి - తాళ్లపాక అన్నమాచార్య కీర్తనలు - ఈకె తొల్లి నీకు మొక మెరిఁగినది గాఁబోలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1930-4
సంపుటము: 29-118

తాళ్లపాక అన్నమాచార్య

రాగము: గౌళ

ఈకె తొల్లి నీకు మొక మెరిఁగినది గాఁబోలు వాకిటికి వచ్చె నీవు వలపించుకోవయ్యా	॥పల్లవి॥
సళుపుఁ జూపులు నీపైఁ జల్లుకొంటా మదిరాక్షి నిలుచున్న దిదిగొ నీ యెదుట పిలువని పేరఁటము పెండ్లిబండి యెక్కవచ్చె తిలకించి చూడవయ్యా దిష్టించి నీవు	॥ప్లలవి॥
చీటికిమాటికి నీతో చిరునవ్వు నవ్వుకొంటా మాటలాడీ నిదిగో మందె మేళాన పోటి గరితె తనాన బువ్వము గలయవచ్చె చోటిచ్చి తొడపైఁ బెట్టి సుద్దు లడుగవయ్యా	॥ఈకె॥
సారెకు శ్రీవేంకటేశ చన్నుల నొరసుకొంటా గోర నూఁదీ నిదిగో కూడితివంటా పోరచి చుట్టమై నీచేఁ బోఁక వెట్టించుకోవచ్చె బార చాఁచి కాఁగిలించి పక్కఁబెట్టుకోవయ్యా	॥ఈకె॥