ఆంధ్రభారతి - తాళ్లపాక అన్నమాచార్య కీర్తనలు - గుట్టు గొంత వలదా కోమలులకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1930-5
సంపుటము: 29-119

తాళ్లపాక అన్నమాచార్య

రాగము: వరాళి

గుట్టు గొంత వలదా కోమలులకు ముట్టుమీరి వలపులు రట్టుసేయ నేఁటికి	॥పల్లవి॥
చక్కఁబెట్టుకోవే కొప్పు జాణతనా లేమాడేవు ఇక్కడఁబతి ముందర నేఁకారుకొంటా పక్కనఁ జన్నుల మీఁది పయ్యద గప్పుకోఁగదే నెక్కొన నిందరిలోన నివ్వెరగు లేఁటికి	॥గుట్టు॥
తుడుచుకోవే చెమట తొంగి యేమి చూచేవు వుడివోని తమి నువ్విళ్ళూరుకొంటా వెడవెడగాఁ బోఁకముడి వీడెఁ గట్టుకోవే అడియాసలనే పరాకయ్యే వదేఁటికి	॥గుట్టు॥
సరులు దిద్దుకోవే సన్నల నేమి మొక్కేవు పెరరేఁచి తమకము పేరించుకొంటా యిరవై శ్రీవేంకటేశుఁ డీతఁడే నన్నుఁ గూడె తరి నీవూఁ బెండ్లాడవే తలపోఁత లేఁటివి	॥గుట్టు॥