ఆంధ్రభారతి - తాళ్లపాక అన్నమాచార్య కీర్తనలు - మిక్కిలి కోమలమైన మెలుఁత యీకె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1931-2
సంపుటము: 29-122

తాళ్లపాక అన్నమాచార్య

రాగము: వరాళి

మిక్కిలి కోమలమైన మెలుఁత యీకె మక్కువ లీడేర్చి యిట్టె మన్నించరాదా	॥పల్లవి॥
చెమ్మఁ జెమటలతోడ చిటపొట మనఁగాను యిమ్ముల బాదాలొతై యీకె యిందాఁకా నెమ్మదిఁ దాళగతులు నీకెందాఁకా నాలించేవు కమ్మి యలపెల్లాఁ దీర గాఁగిలించరాదా	॥మిక్కి॥
కందువఁ బయ్యదకొంగు గళబెళమనఁగాను ఇందరితోఁ గుంచ వేసె నీకె యిందాఁకా సందడితో నారవళే సారెకు నేమి వినేవు అందపు నీ మోవి ఇచ్చి ఆదరించరాదా	॥మిక్కి॥
కడు సకినల సజ్జ కవకివమనఁగాను యెడపక నిన్నుఁ గూడె నీకె ఇందాఁకా అడరి శ్రీవేకంటేశ యలమేలుమంగ తానే తడవెంత దలఁచేవు దయతో మెచ్చరాదా	॥మిక్కి॥