ఆంధ్రభారతి - తాళ్లపాక అన్నమాచార్య కీర్తనలు - ఇంతటఁ గరఁగవద్దా యిచ్చగించి నీ మనసు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1931-3
సంపుటము: 29-123

తాళ్లపాక అన్నమాచార్య

రాగము: పాడి

ఇంతటఁ గరఁగవద్దా యిచ్చగించి నీ మనసు చెంతలఁ జూచినవారి చిత్తాలు గరఁగెను	॥పల్లవి॥
చెప్పరాని ప్రియములు చెప్పి నీకు జవరాలు వుప్పతిల్లుఁ దమితోడ నూరకుండెను కప్పురపు బొమ్మ నీకుఁ గానుకగాఁ జేతికిచ్చి దప్పిదేరి సిగ్గుతోడ దలవంచుకొనెను	॥ఇంత॥
సేయరాని వూడిగాలు సేసి సేసి కాతరాన పాయరాక తొడమీఁదఁ బవ్వళించెను కాయజకేలికి నిన్ను గమ్మరఁ జిలువఁబూని ఆయడ చిరునవ్వుతో నట్టె గుక్కుకొనెను	॥ఇంత॥
చూపరాని మోమమెల్లాఁ జూపి నిన్ను మెప్పించి దాపుగా నీరెంటెములో దాఁ జొచ్చెను యేపున శ్రీవేంకటేశ యీకె యలమేల్మంగ నీపొందు సేసి తన నేరుపు మెరసెను	॥ఇంత॥