ఆంధ్రభారతి - తాళ్లపాక అన్నమాచార్య కీర్తనలు - ఇదివో నాతలపోఁత లిన్నియు విన్నవించితి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1931-4
సంపుటము: 29-124

తాళ్లపాక అన్నమాచార్య

రాగము: ఆహిరి

ఇదివో నాతలపోఁత లిన్నియు విన్నవించితి యెదుట గాచుకుందాన యెరవు లేదిఁకను	॥పల్లవి॥
సేవలు సేసితే నీవు చేకొని మన్నింతునని వావులు చెప్పితేను వలతునని భావించి చూచితేను బత్తి నపైఁ జేతువని నీవద్ద గాచుకుందాన నీ చిత్త మిఁకను	॥ఇది॥
సంతతముఁ గొలిచితే చనవెల్లా నిత్తువని చెంత మొక్కితేఁ గోరిక చెల్లింతువని మంతనము లాడితేను మచ్చికసేతువని యింతటఁ గాచుకుందాన నీడేరించు మిఁకను	॥ఇది॥
సెలవుల నవ్వితేను చేతికి లోనౌదువని సొలసితే నన్ను దయఁజూతువని అలమి శ్రీవేంకటేశ అలమేల్మంగను నేను యెలమి గాచుకుందాన యేలము నన్నిఁకను	॥ఇది॥