ఆంధ్రభారతి - తాళ్లపాక అన్నమాచార్య కీర్తనలు - మంచి గుణములుగల మగువల సాజ మిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1931-5
సంపుటము: 29-125

తాళ్లపాక అన్నమాచార్య

రాగము: సౌరాష్ట్రం

మంచి గుణములుగల మగువల సాజ మిది యెంచుకొని దయతోడ నేలుకొనవయ్యా	॥పల్లవి॥
మనసు నమ్మిన సతి మరి యనుమానించదు ననిచిన వనిత పెనఁగులాడదు యెనసిన జవరాలు యెరవులుసేయదు పనుపడి రతులకు బాఁతిపడుఁగాని	॥మంచి॥
మరిగిన యాఁటది మరి పాయనేరదు దొరసిన యిల్లాలు దూర దెంతైనా సరి నిచ్చకపులేమ జరపులఁ బెట్టదు యిరవైన కాఁపురాన కేఁకారుఁగాని	॥మంచి॥
తగులైన కామిని తప్పులేమీ నెంచదు మొగమిచ్చకపు ఇంతి వెగటాడదు నిగిడి శ్రీవేంకటేశ నీదేవు లలమేల్మంగ సొగిసి యీకూఁటముల జొక్కించుఁగాని	॥మంచి॥