ఆంధ్రభారతి - తాళ్లపాక అన్నమాచార్య కీర్తనలు - విన్నవిఁ గన్నవిఁ గావు నీ పగట్లు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1931-6
సంపుటము: 29-126

తాళ్లపాక అన్నమాచార్య

రాగము: సాళంగం

విన్నవిఁ గన్నవిఁ గావు నీ పగట్లు పున్నమ వెన్నెల పొళ్ళు పొలఁతి నీ సుద్దులు	॥పల్లవి॥
సారె నేమి బులిసేవే సరసుని యెదుటను కేరి కేరి నవ్వేవేమే కెలసుకొంటా వూరకే పెనఁగేవేమే వొడివట్టి తీసుకొంటా ఆరజపు చేఁత లివి అట్టె నీకేతగునే	॥విన్న॥
సన్నలేమి సేసేవే సరి నెదురుగానుండి చన్నులేమి చూపేవే జంకించుకొంటా విన్నపాలేమి సేసేవే వేసాలు సేసుకొంటా వన్నెవెట్టుమేకు లివి వడి నీకే తగునే	॥విన్న॥
చేతులేమి చాఁచేవే శ్రీవేంకటేశ్వరు మీఁద కాతరించేవేమే యాఁకారుకొంటా యీతఁడే నన్నేలినాఁడు యిందరిలో మన్నించి యేతరితనాలే పెంచే విది నీకే తగునే	॥విన్న॥