ఆంధ్రభారతి - తాళ్లపాక అన్నమాచార్య కీర్తనలు - ఇంకా వినిపించవే యీ కతలు వేడుకయ్యీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1932-4
సంపుటము: 29-130

తాళ్లపాక అన్నమాచార్య

రాగము: శ్రీరాగం

ఇంకా వినిపించవే యీ కతలు వేడుకయ్యీ పొంకముగా జెలియా పొద్దువోదు నాకును	॥పల్లవి॥
సొలసి తనతో నేను సుద్దులు చెప్పినవెల్లా తలఁచుక చెప్పెనా తరుణి నీతో వలుద గుబ్బలఁ జంద్రవంకలు దా నొత్తినవి తెలిపెనా దాఁచక తేటతెల్లమిగను	॥ఇంకా॥
తంతోడ నేకతాన తననాసంది పొందులు మఱవక యడిగెనా మంచితనాన మఱి నన్నుఁ గరుణించి మన్నించినీమన్ననల- గుఱుతు లెఱిఁగించెనా కొంకక నీ కపుడు	॥ఇంకా॥
వేడుకతో నేనూఁ దానూ వినోదించిన రతులు ఆడ నీతోఁ దడవెనా యక్కరతోను యీడక వచ్చి శ్రీవేంకటేశుఁడు దా నన్ను నేలె జాడలు నీతో నించెనా సరికి బేసికిని	॥ఇంకా॥