ఆంధ్రభారతి - తాళ్లపాక అన్నమాచార్య కీర్తనలు - నీ బలిమి నా బలిమి నేఁడే కానఁగవచ్చీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1932-6
సంపుటము: 29-132

తాళ్లపాక అన్నమాచార్య

రాగము: శుద్ధవసంతం

నీ బలిమి నా బలిమి నేఁడే కానఁగవచ్చీ జూబుల??? పచారాల జూటుఁదనా లేఁటీకే	॥పల్లవి॥
యేతు లేమి చెప్పేవే యిందరిముందరా నీవు ఆతఁడు నీతో సరసమాడు నంటాను యీతల నీ పతిని యా యింటికిఁ దెచ్చుకోఁగాను చూతము నీ సలిగెలు చూపఁగరాదా	॥నీబ॥
కేరుతా నేమి నవ్వేనే కీలుగంటు జారఁగాను చేరి నీ మగఁడు బత్తిసేసీ నంటాను గారవించి నే నీతనిఁ గాఁగిట బిగించఁగాను ఆరితేరి నీ వప్పుడు ఔఁ గాదనఁగలవా	॥నీబ॥
నీ వెంత విఱ్ఱవీఁగేవే నీటులు మెరసుకొంటా శ్రీవేంకటేశుఁడు నిన్నుఁ జెందెనంటాను యీవేళ నన్నీతఁడేలె యిట్టె నే బాయకుండితే మా వలపు దెలుసుక మరి మెచ్చఁగదవే	॥నీబ॥