ఆంధ్రభారతి - తాళ్లపాక అన్నమాచార్య కీర్తనలు - ఎంత బాఁతో యాపె నీకు ఇందుకు దొరకొంటివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1933-1
సంపుటము: 29-133

తాళ్లపాక అన్నమాచార్య

రాగము: ముఖారి

ఎంత బాఁతో యాపె నీకు ఇందుకు దొరకొంటివి పొత నన్నొడఁబరచి పొసఁగఁ జెప్పేవు	॥పల్లవి॥
చెలరేఁగి యాపె నీకుఁ జేసేటి విన్నపాలెల్లా పలుమారు నూఁకొని తప్పక వినేవు యెలమి నప్పటి నీకు నిచ్చేటి కానుకలెల్లా అలరుచుఁ జేయి చాఁచి యందుకొనేవు	॥ఎంత॥
వేడుకతో నాపె నీకు విందులు వెట్టినందుకు ఆడనుండి సారె సారె నారగించేవు జోడు గూడి నిన్నుఁ గడుఁ జొక్కించిన రతులకు యీడకు వచ్చి నాతోను యెంతో కొనియాడేవు	॥ఎంత॥
కూరిమితో నాపె నిన్నుఁ గొసరి నవ్వినందుకు చేరి కాఁగిలించుకొని చెక్కునొక్కేవు యీరీతి శ్రీవేంకటేశ యింతలో నన్నేలితివి మేరమీర కాపెతోడ మేలమాడేవు	॥ఎంత॥