ఆంధ్రభారతి - తాళ్లపాక అన్నమాచార్య కీర్తనలు - ఏమయ్యా తమకించే వెంత యాసోదకాఁడవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1933-2
సంపుటము: 29-134

తాళ్లపాక అన్నమాచార్య

రాగము: ఆహిరి

ఏమయ్యా తమకించే వెంత యాసోదకాఁడవు కామించి చే మొక్కితేను కాఁగిలించేవు	॥పల్లవి॥
నిమ్మపండ్లు కానుకఁగా నీకు నియ్యవచ్చితేను అమ్మరో చన్నులేల అంటేవయ్యా కమ్మరఁ బగడ మిట్టె కప్పముగాఁ బట్టితేను వుమ్మడి మోవికేల నోరూరేవయ్యా	॥ఏమ॥
చొక్కపు పసిఁడిబొమ్మ సూడిదెగాఁ జూపితేను పిక్కటిల్ల నాతో నేమి పెనఁగేవయ్యా పక్కన నుడుగరగాఁ బచ్చడము గప్పఁగాను అక్కరతో బయ్యదకొం గదేల పట్టేవయ్యా	॥ఏమ॥
వుంకువ నుంగరము నీ కుచితము దెచ్చితేను కంకణము నాకేలఁ గట్టేవయ్యా అంకెల శ్రీవేంకటేశ యన్నిటా నన్నేలితివి పొంకపురతుల కెంత పొంది మన్నించేవయ్యా	॥ఏమ॥