ఆంధ్రభారతి - తాళ్లపాక అన్నమాచార్య కీర్తనలు - ఇంతటిదానవు నీవు యెంతని పొగడవచ్చునే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1934-3
సంపుటము: 29-141

తాళ్లపాక అన్నమాచార్య

రాగము: సామంతం

ఇంతటిదానవు నీవు యెంతని పొగడవచ్చునే పొంతఁ గోర కెట్టుందునే పొలఁతి నీ విభుఁడు	॥పల్లవి॥
సెలవుల నవ్వు దేరీ చెక్కుల మదము గారీ నెలఁత నీమాఁటలఁ దేనియ లూరీని కలికి వన్నిటా నీవు గక్కన నిన్నుఁ జూచితే వలవ కెట్టుండునే వనిత నీ విభుఁడు	॥ఇంత॥
మోమున వెన్నెల గాసీ మూపునఁ దురుము రాసీ ఆమని చన్నులురమునందునఁ బైసేసీ నీ మంచి చక్కఁదనాలు నెమ్మది నెంచి చూచితే కామించ కెట్టుండునే కాంత నీ విభుఁడు	॥ఇంత॥
మోవిపైనే చిగురెక్కీ మొనగోళ్ళఁ జేఁగలెక్కీ భావించితే హంసగతి పాదాలఁజిక్కీ యీవేళ శ్రీవేంకటేశుఁ డింతలోనే నిన్నుఁగూడె సేవగొన కెట్టుండునే చెలియీ నీ విభుఁడు	॥ఇంత॥