ఆంధ్రభారతి - తాళ్లపాక అన్నమాచార్య కీర్తనలు - ఇటువలె నుండవద్దా యిరవైన మోహము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1934-5
సంపుటము: 29-143

తాళ్లపాక అన్నమాచార్య

రాగము: హిందోళం

ఇటువలె నుండవద్దా యిరవైన మోహము తటుకన నీమీఁది తగులెంతోకాని	॥పల్లవి॥
సొరిది నీమోము సారెఁ జూచియునుఁ దనియదు తరుణి మాఁటలాడియుఁ దనియదు సరసము లాడియాడి చాలునని తనియదు అరుదైన మదిలోని యాస యంతోకాని	॥ఇటు॥
ననుపుసేసుక చెలి నవ్వియునుఁ దనియదు తనువుసోఃకఁ బెనఁగి తనియదు మునుకొని చేతులెత్తి మొక్కియునుఁ దనియదు యెనసి నీపై వలపింకా నెంతోకాని	॥ఇటు॥
రమణఇ నీకాఁగిట రతిసేసి తనియదు తమితో గుబ్బలనొత్తి తనియదు జమళి శ్రీవేంకటేశ సన్నసేసి తనియదు అమరిన సంతోసమది యెంతోకాని	॥ఇటు॥