ఆంధ్రభారతి - తాళ్లపాక అన్నమాచార్య కీర్తనలు - ఒడఁబరచఁగనేల వొడివట్టి న న్నింతేసి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1934-6
సంపుటము: 29-144

తాళ్లపాక అన్నమాచార్య

రాగము: మంగళకౌశిక

ఒడఁబరచఁగనేల వొడివట్టి న న్నింతేసి వుడివోని సంతోసాన నోలలాడే నిపుడు	॥పల్లవి॥
చెంతఁగూచుండినయాపె చేయి చాఁచకుండునా యెంతవడిదాఁకా మాఁట లేమి చెప్పీనే వింతదానఃగాను తన వేడుక చెల్లించితే మేలు చింతదీర మొక్కేను చేతులెత్తి నేను	॥ఒడఁ॥
పాదాలుగుద్దినయాపె పక్కఁ బండకుండునా నాదెస చూచి యెంతనవ్వు నవ్వీనే కాదనేనా నాకుఁ దనకరుణ గలిగితే మేలు మోదముతో నింకాను మొక్కేనేఁ దనకు	॥ఒడఁ॥
యేకతమాడినయాపె యెంగిలి సేయకుండునా చేకొని కూడి నన్నెంత చెక్కునొక్కీనే యీకడ శ్రీవేంకటేశుఁ డెంత మన్నించినా మేలు కైకొంటి ముమ్మాటికి గక్కన మొక్కేననరే	॥ఒడఁ॥