ఆంధ్రభారతి - తాళ్లపాక అన్నమాచార్య కీర్తనలు - అలమేలుమంగవు నీ వాతనికి దేవులవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1935-3
సంపుటము: 29-147

తాళ్లపాక అన్నమాచార్య

రాగము: దేశాక్షి

అలమేలుమంగవు నీ వాతనికి దేవులవు వెలసి కూడితి విఁక వెరగందేవేమే	॥పల్లవి॥
ననిచిన కాంతులకు నవ్వులు వేగమే వచ్చు మనసులెనసినట్టి మగనితోను చెనకితేఁ జాలును సిగ్గులు చాలా నిండు వనితరో నీవేల వంచేవే శిరసు	॥అల॥
తగులుగలవారికి తనువెల్లాఁ జెమరించు జిగిమించ రమణుని చెంత నుండితే మొగమెత్తి చూచితేను ముంచు మదనకళలు వెగటుగాఁ దెర యేల వేసుకొనేవే	॥అల॥
వావిగల సతులకు వలపులు గడు రేఁగు శ్రీవేంకటేశుఁడైన చెలువునొద్ద చేవదేరఁ బెనఁగితే చిన్నలెల్లాఁ గానవచ్చు కావరానఁ బయ్యదేల కప్పుకోనేలే	॥అల॥