ఆంధ్రభారతి - తాళ్లపాక అన్నమాచార్య కీర్తనలు - అలమేల్మంగనే నేను ఆకె నెటువంట(టి?)దో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1935-4
సంపుటము: 29-148

తాళ్లపాక అన్నమాచార్య

రాగము: రామక్రియ

అలమేల్మంగనే నేను ఆకె నెటువంట(టి?)దో యెలుఁగెత్తి చెప్పవయ్యా యియ్యకొనే నేను	॥పల్లవి॥
మంతనము లాడెనట మగువ యెవ్వతొ నీతో చెంతనుండి సన్నలూనుఁ జేసెనట యింతులెల్లాఁ జెప్పుకొనే రీ సుద్దలే వాడలోన యెంతటిదో చూపవయ్య యెరిఁగేను నేను	॥అల॥
చెట్టవట్టి తీసెనంట చెలి నీ చెక్కులు నొక్కి గుట్టుతోడ నిన్ను వేఁడుకొనియనట బట్టబయలాయను యీ పనులెల్లా నూరిలోను అట్టిదానిఁ జూపవయ్య అడిగేను నేను	॥అల॥
గంటిసేసెనట మోవి కాఁగిలించుకొని నిన్ను వొంటిదే నీ పాదాలు నొత్తెనట నంటున శ్రీవేంకటేశ నన్ను నిట్టె యేలితివి దంటదానిఁ జూపవయ్య తగమెచ్చే నేను	॥అల॥