ఆంధ్రభారతి - తాళ్లపాక అన్నమాచార్య కీర్తనలు - చెలులాల యాతని చిత్త మిఁక నెట్టున్నదో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1935-6
సంపుటము: 29-150

తాళ్లపాక అన్నమాచార్య

రాగము: నాగవరాళి

చెలులాల యాతని చిత్త మిఁక నెట్టున్నదో తెలియఁజెప్పరే నా తెరఁగెల్లా మీరు	॥పల్లవి॥
చెలఁగి మాఁటాడితేను సిగ్గులు మోమున నిండీ అలరి చూచేనంటే నాసలు రేఁగీ తలఁచితే వేడుకతో తనువెల్లాఁ బులకించీ యెలమి నా ముచ్చటలు యేమని చెప్పుదునే	॥చెలు॥
చనుఁగవ నొత్తితేను సంతోసము లుప్పతిలీ పెనఁగితేఁ దమకము పెచ్చువెరిఁగీ తనతోనే నవ్వితేను తరితీపు లెచ్చీని తనివోని నావలపు దాఁచ నెట్టువచ్చునే	॥చెలు॥
కాయము సోఁకించితే గక్కనఁ గళలంటీని చేయి చాఁచి చెనకితే చెమరించీని యీయెడ శ్రీవేంకటేశుఁ డింతలోనే నన్నుఁ గూడె చాయల నీకోరికలు సరుగ నీడేరెనే	॥చెలు॥