ఆంధ్రభారతి - తాళ్లపాక అన్నమాచార్య కీర్తనలు - అభయదాయకుఁడ వదె నీవే గతి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 273-3
సంపుటము: 3-420

తాళ్లపాక అన్నమాచార్య

రాగము: బౌళిరామక్రియ

అభయదాయకుఁడ వదె నీవే గతి యిభరక్షక నను నిపుడు గావవే	॥పల్లవి॥
భయహర దై తేయభంజన కేశవ జయ జయ నృసింహ సర్వేశ్వరా నియతము మా కిదె నీ పాదములే గతి క్రియగా మమ్మేలి కింక లుడుపవే	॥అభ॥
బంధవిమోచన పాపవినాశన సింధురవర దాశ్రితరక్ష కంధరవర్ణుఁడ గతి నీ నామమె అంధకారముల నణఁచి మనుపవే	॥అభ॥
దైవశిఖామణి తత చక్రాయుధ శ్రీవేంకటగిరి శ్రీరమణా సావధాన నీ శరణ్యమే గతి వేవేలకు నావిన్నప మిదియే	॥అభ॥