ఆంధ్రభారతి - తాళ్లపాక అన్నమాచార్య కీర్తనలు - ఎన్నెని చెప్పేమయా నీ యింతి సుద్దులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1936-1
సంపుటము: 29-151

తాళ్లపాక అన్నమాచార్య

రాగము: ఆహిరి

ఎన్నెని చెప్పేమయా నీ యింతి సుద్దులు చెన్నగు నీ గుణాలెల్లఁ జెప్పుకొంటానున్నది	॥పల్లవి॥
యెచ్చిన కోరికతోడ యెప్పుడు వత్తువోయంటా కచ్చుపెట్టుకొని యాపె గాచుకున్నది తచ్చి తచ్చి నీ పొందులే తలపోసుకొంటాను ముచ్చటతో దేవరకే మొక్కుకొంటా నున్నది	॥ఎన్నె॥
మాఁగిన మోవి చూపి నీమతి గరఁగించేనంటా కాఁగిటికి కంకణము గట్టుకున్నది తోఁగుఁజెమటతో నిన్నుఁ దోడితెమ్మని చన్నుల - వేఁగుతో నీ నెచ్చెలుల వేఁడుకొంటామన్నది	॥ఎన్నె॥
తేఁకువతో నిన్ను రతిఁ దెప్పలఁదేలించుదాఁకా యేఁకటతో వయసు మీదెత్తుకున్నది వీఁకతో నీ వేలఁగా శ్రీవేంకటేశ నీ గురుతు వాఁకముగా నీ రూపే వాసుకొంటానున్నది	॥ఎన్నె॥